Ji ka̱c ni wunni tin laa jäl kɛ nɛy ti laa rɔ̱a̱ pɛli kɛ läät kä la kɛn thiikni dueli a dɔɔŋ kɛ ɣöö, i̱ tekɛ kɛ mi bikɛnɛ lät.
Laa kɛnɛ ɛ bëë ɛlɔ̱ŋ kɛ gua̱th in laa lëth kɛ piny kɛnɛ mi tekɛ kɛ mi jiäk mi ci tuɔk cet kɛ nyɔɔc, maac kɛnɛ thuul, mɛn ci naath ku cuuc kä riali dueli tin ca däk ɛ mɛn ci tuɔk.
Ji ka̱cni wuni tin laa jäl laa lat kɛnɛ i dekɛ läät titi lät cet kɛ duop thurbil, bil duel, la̱tni wicduel kɛnɛ lak karpɛ̈tkä kɛ pëk mi tɔt. Gua̱thni diaal, laa kɛn nath rup, lät cäŋ ɛn walɛ, gɔa ni jɛn ɛlɔ̱ŋ ka̱rɔ.
Ɛŋu mi dëyi päl kɛ?
Ji ka̱c ni wuni tin laa jäl la kɛn yiɔ̱w ɛ thiec ɛ ŋuot ka̱n kɛn lät ni tuok kä laa cua̱ bath kɛ kɛ pɛ̈th mi ci kɛ ka̱m yio̱w.
Mi tekɛ lät mi cikɛn lät, laa tëë ɛca thukɛ kä ba lät ɛ jiäk.
Laa kɛnɛ lät kɛ pɛ̈th, kä la kɛn mala tho̱pni ciöt in nhiam kɛnɛ na̱mbär mubala̱ - kä yɔ̱tidiɛn nikä kɛ kɔrɛ bɛ̈cɛ.
Dëyi kɛ kulɛ ŋa̱c ɛgɔa i̱di?
Tit nɛy ti:
- Dɔŋ thi̱i̱k duelu kä kuic ci kɛ kä bikɛni jioo̱k i̱:
- bi nɛy duelu bil
- bikɛ lät jɔɔduelu kiɛ jɔpɛ jiɛn
- röth duop thurbil
- lätni wicduel
- kɛ kɔr kä mi ci thɔ̱kɛ ruac bɛ riet lari 'cetkɛ walɛ'
- thiec ji kɛ yio̱w kɛ nhiam
- kä jio̱kɛ ji bɛ ji gɛ̈r kä bɛ̈ɛ̈ŋ kɛ ɣöö bi yio̱w wä nöŋ kɛ kuic lät
- kä jio̱kɛ ji nhɔk la̱tdiɛn
- lar kɛnɛ bikɛ lät ɛmɛ lät ɛntämɛ kɛ ɣöö ca lät mi dɔ̱ŋ mi thiëc kɛ ji ka̱p cuɔ̱ŋ.
Ga̱ŋdu kɛrɔɔdu - tin dee ji luäk kɛ ji ka̱cni wuni lät tin laa jäl
Mi ci ŋa̱ci ci Ji ka̱c ni wunni lät tin laa jäl nɛn dɔŋ kɛn thi̱i̱k, cu ruac kɛ kɛ.
Mi ci ruac kɛ kɛ, jio̱k nikɛ jiɛnɛ. Mi cikɛnɛ lo̱k i̱ jiɛn kɛ, ci kɛn ŋuɔ̱t to̱l.
Cu lät mi cikɛnɛ lari bikɛnɛ lät pëk mitɔt nhɔk. Bɛ yio̱w ti ŋuaan naŋ k gua̱th dee ben nɔ.
Mi go̱ri ɣöö tee kɛ mi baa lät duelu:
- go̱ri nɛy ti bi ji lär pek mi gɔa kɛ ji
- go̱ri nɛy ti laa läät ni wen kɛ ɣöö bikɛni la̱r pek i̱ dee lätɛ kɛ warɛgak
- thiec ni kɛ läri nɛni tee cikɔn la̱tkɛ ji medan, kɛ ɣöö bi lärikiɛn go̱r
- cu warɛgak thany amäni mi ci rɔ kɔn rialikä
- thiec cio̱t ram min lät kɛ liw kɛnɛ gɔ̱r cio̱t kä lätdɛ kɛnɛ laythɔnɛ mi tekɛ thin kɛ ɣöö bikɔn ŋäc ɛgɔa ni muktäpdiɛn
- Thiec na̱mbär muktäplätdiɛn, kɛ ɣöö dëyi kɛ yɔ̱t ti kä kɛ ɣöö biɛ ŋäc ɛgɔa lät kɛ kɛ
Kɛ kɔr kä mi ci mi jiäk tuok, teni kɛ ŋäc ɛni ran dëyi ji jio̱k i̱ 'ɛn walɛ' tee nɛy kɛ lät bi nɛy lät go̱r nɛy yio̱w. Kɛ kuic luäk mi ci mi jiäk tuok, guic thok Liŋɛlithnida kä Advice in a disaster pëc.
Lätnidu kɛ duɔ̱r kɛ kuic ji ka̱cni wuni lät tin laa jäl
Kɛ ɣöö dëyi kɔ luäk kɛ lätdu jɛ ji wecdun kɛ kuic cuee̱ri titi ti la nath ɛ pɛlɛ, kä jin dëyi warɛgak ɛmɛ ja̱kä thëciɔl media kä la̱th ni thokdu wa̱nɛ ɛmɛ kä thok ji puɔra̱m. Mi ŋäc ci Ji ka̱c ni wunni lät tin laa jäl kä gua̱th ɛn cieŋi thin nɔ:
- Gɔ̱ri lärikiɛn piny cet kɛ, ciötkiɛn ɛgɔa kɛnɛ na̱mbär thurbili
- Läri kɛ ji bolic kädu