Mat köökä mobal pɔni – tin ca riali kä ɛ conɛumer aɣɣairɛ

Ɛ ŋoti käni ni kɔk kɛ mobal puɔn

Liŋ tin ca lat gua̱th ɛmɛ a goa.

• Thääbi pɔrbaydɛr - ɛ muktäp mi mat mobal pɔn du kɛ muktäp ti kɔŋ kɛ ɣöö deri yɔat kɛnɛ jäk ni ruac ni kɛ rɛy intɛrnɛt kä.
• Permiöm SMS - Jäkni ruaac ni kɛ rɛy mobal kä rial jɛ kä kɛ ɣöö bi boot kä mi la̱t kɛ kä tɛlɛbijin, kööŋ kɛnɛ la̱t ŋɔaani rɛy intɛrnɛt kä. Mi göri ɣöö ja̱a̱ki riat kiɛ luoci permöm ɛmɛ, derɛ tuɔk I bi rɔ gɔ̱rpiny kɛ pek mi diit mi naŋ yiow ti ŋuan mi yɔti. La bumɛ biɛ ka̱p cuɔŋ ɛ thɛlɛ ti kɔŋ ti ŋuan ti naŋɛ.
• Intɛrnacinal Roaming - Yɔat mobal kä mi cäŋ ci we rööl mi dɔŋ. Nɛmɛ derɛ yiow ti ŋuaan naŋ. Görɛ ɣöö bi ruaac ni kɛnɛ ŋut tin ca gɔr ti kuɛn kɛ ɣöö bi pek in gör kɛ bi yuɔr piny ŋa̱c kɛ kuic la̱t ɛmɛ.
• 32GB/16GB - Pek ɛmɛ la pälɛ ni ciaŋ rɛy cäri tin ca da̱a̱k kɛnɛ pek tɔw kä mobal pɔn kä du, ciɛ pek in jeki mi kämi wargak ni rar kä intɛrnɛt.

Käni ca̱r

• ɛ pek mi nin di deri yɔat jɛ mɔ kiɛ deri riäät ja̱k kɛ jɛ mɔ?
• ɛ pek yiow ni daŋ di göri mobal pɔn du kɛ mɔ. Cet kɛ ɣööo, mi göri ɣöö guili imelu kiɛ göri ŋɔaak rɛy intɛrnɛt kä ni ciaŋ, görɛ ɣöö bi te kɛ ca̱p mi jak ji kä ɣöö bi ŋɔaak ka̱m rar ni ciaŋ 1GB kiɛ 2GB kɛ pay. Guil wɛbthay muktäp kä mi göri riäät ti kɔŋ kɛ kui yiow ni ku kä pɔn.
• Ɛ pek mi nin di göri ɣöö bi tek kä mat ɛmɛ kɛ jɛ mɔ. Mat duɔr kä la̱t jɛ ɛ tɛmɛ kä pääth 12 ɛ we kä pääth ti 36. Mi ci jɛ gor i bi duɔr mat kɛ ji muktäp kä, ɣɔn min la yiow ɛ yuɔr kɛ piny thin a ŋuoti kä ni ruac, ɛ ca̱ru ɛn ɣöö bi lät kɛ kɛ kiɛ bi we kä mi dɔŋ.

Ŋäc ni jɛ ji

• Guil guäth tin kɔŋ kä bi pek köökä pa̱a̱r, ŋut tin gör kɛ ba ŋa̱c kɛnɛ cär tin be kä nɛtwäk ni ti kɔŋ
• käni riäat ɛ ca gɔr kɛ kuic lät ni kɛnɛ min deri yuɔr piny kɛ la̱t
• Ŋäc ni pek in bi thöp mi ci min ci mat kɛ kök yɛnɛ ran däk, kiɛ mi ci pɔn du tiath, mi cɛ bath kiɛ mi ca kual
• Kuɛn wargak min cia ca̱r mat thin kɛ min de col kɛnɛ min ca de col
• Ŋäc ni pek in deri thop mi ci ruac kɛ pɔn du wec mi dɔŋ.

Göri kɛ

• Mobal pɔn mi thiak la̱t dɛ
• Mi deri luäŋ kɛ yor piny
• Muktäp mi tek kɛ nɛtwäk mi gɔa gua̱th ciɛŋ kä du.

Tit tɛ

• Ni ciaŋ bi yiöw ti ŋuaan yuɔr piny mi ci me ca mat ni wal päl ɛ ŋok kä gua̱th dɛ thuk
• Tha̱ŋ lät ni gör kɛ yiöw to ŋuaan - jɔw, ja̱kni ciöt kä, pärmiöm SMS, gör ŋɔaani kä intɛrnɛt, kook apps and kɛnɛ yɔat wec mi dɔŋ
• Guil muktäp wɛbthay, kiɛ guil gua̱th tɔw kä diɛn mi de mobal we lät gua̱a̱th ciɛŋ kä du
• Dɔŋ derɛ te kɛ pek mi dɔŋ mi deri yuɔr piny mi ci ruac ɛ löŋ ɛ ci pek yiöw tin deri ruac kɛ kɛ bäl.

Cut mobal pɔn kä du

• Tɔw wargak kök kä dɛ kɛnɛ wargak min nyoth ɣöö ci yiɛn kök mat.
• Thuk ni tin kɔk ŋɔaak kɛnɛ muktäp ni tin dit ci kɛn yiöw thöp kɛ den kiɛ ba ji ka̱m pɔn mi dɔŋ kɛ gua̱a̱th in wa kɛ mi la̱t kɛ pɔn du mi ci jiäk.
• Kue te kä min ci yɛnɛ mat kɛnɛ ŋut tin gaŋ yiɛk, dɔŋ deri ŋot kɛ mi yori yiöw piny kɛ pay ni ciaŋ kɛ gua̱a̱th in wa kɛ mi la̱t kɛ pɔn du. Mi göri ŋäc kɛ kui cut kä pɔnkä, guil gua̱th min ruac kɛ kui cut kä.
• Jin bä ka̱m ji cuɔŋ ɛ ŋut Australia tin gaŋ ji köökä. Mi ci mobal pɔn du lät, dɔŋ deri thieec kɛ ɣöö de ji loc yiöw kiɛ de ji moc mi dɔŋ. Mi göri ŋäc, guil wargak in ruac kɛ loc yiöni jɔk kɛnɛ cut duɔr kä.

Ɛ ŋot käni wargak kökä mobal pɔn kä du min cai mat ni gɔ̱rpiny

• Ni ciaŋ görɛ I bi wargak kuɛn - cu loc ni min ca lar ɛnɛy tin kɔk ŋɔaak. Kök mobal kä ɛ ŋut. Ni ciaŋ bumɛ bä kä la yiöw ti ŋuaan ɛ naŋɛ mi ca ŋut töl.
• Tiɛ tɛ rö kɛ tin kuic yiɛn kɛ kä dɔŋ bia yuɔr piny ɛ kän yɛn kɛ mat kiɛ duɔr kä mi ci gɔaa. Mi göri ŋäc, wer kä muktäp min lät mobal pɔn ni kɔk - mi ka̱n mat a gɔaa.
• Cu duŋ kökä mat yiɛnɛ ran mi känɛ we lɔc du. Thiec rami ci min de mat we lɔc dɛ ɛ gɔaa kɛ ɣöö bɛ la̱t ji.
• Thiec yiöw tin de yuɔr piny kɛ pay a mäni pek in de gör göl kä bä. Ŋäc ni jɛ bi pek ɛ mɛ luäŋ kɛ pek kökä gua̱th min ci yɛnɛ mat.
• Mi ci mobal kɔk kä thuk ni tin kɔk kiɛn, nɛmɛ dɔŋ bɛ ji naŋ kä ɣöö nhɔk I kök kä rɛ̱̈ɛ̱̈w. Kɛl kä muktäp min kɔk mobal kɛnɛ muktäp min te kɛ nɛtwäk. Nɛmɛ nyothɛ ni ɣöö nɛy tin kɔk ŋɔaak bi kɛ ji luäk mi te kɛ mi ci jiääk kä pɔn du, duŋ dɛ ɣöö ba ji luäk ɛ muktäp min ŋun nɛtwäk mi ci te kɛ riɛk.
• Cari ɛ gɔaa ɛ ŋot käni ni we kä ram mi ŋa̱c ji ɛ gɔaa kɛ kui mat kökä duɔr kä mi käni run wäl ba̱däk cop 18 - kɛ ɣöö bɛ ŋua̱lɛ piɛk mi cɛ luäŋ kɛ yor piny.
• Gör gäc kɛ kui cuŋ kä du kɛnɛ ta̱ in deri kɛ la̱t kɛ kɛ rɛy wargak kökä min ca mat.

Kɛ kɔr kä mi ci wargak gɔr kɛ nhök kök kä mobal kä

• Tɔw wargak min nyoth ɣöö ci duɔr kɔk gua̱a̱th mi gɔaa, kɛ ɣöö dɔŋ de gör kɛ gua̱a̱th ɛ be mi lotɛ rɔ.
• Jiök ni ji muktäpkä mi te kɛ mi ci rɔ gɛr kä ta̱ du - ciet kɛ ɣöö, mi ci mobal bath kiɛ ca kual, kiɛ ci pek yiöw ni tin gör kɛ kä ji luäŋ kɛ yor piny.

Ta̱ in bi lät ŋuäl mobal kä du

• Lap ni yiöw ku guili kɛ pɛɛth - dɔŋ bɛ ji luäk kɛ ɣöö ca yiow ti ŋuaan de yor piny.
• Ŋäc ni pek in bi jinɛ a yor piny kä thiec ji muktäp kä mi te kɛ mi kuici mi deri yorpiny.
• Mi göri luäk kɛ riali yioni ku kä kiɛ ken yiöni tin bi jin ka yor piny, cɔl nɛy tin la luäk naath kɛ ta̱ yiöni (National Debt Helpline).
• Lapni yiöw ku yori piny kɛ nhiam. Mi ci jɛ lät I nɔ, dɔŋ deri yiöw to kɔŋ yor piny.

Mi ci ŋɔaak we ɛ jiäk

• Yɔt ni ji mutktäp e kɔki mobal pɔn du thin, kiɛ ji nɛtwäk. Kɛ riät, jin guil gua̱th in la ti ci naath guäc a rial kɛ kä thin.
• Mi ti kɛ riɛk kɛ kui yiöw ni tin yori piny kiɛ de ki mat kä netwäk I di kä ca luäŋ kɛ lat ɛ muktäp du, yɔt ni Telecommunications Industry Ombudsman.