Khualleng mihlenhmang hna cu mi innleng kingh in thilzuarh hmangmi hna, thilri kan in remh piak hna lai tiin rian hal ahmangmi hna pawl khi an si.
Hi hna pawl hi khualinh caan le ti lianh, mei kangh, thilchia tibantuk harsatnak atongmi hna nih an inn thilri an remhlio asilole thianhhlimhnak rian an ttuan lio tibantuk caan ah atu le atu hmuhton lengmang an si tawn.
Khualleng mihlen hmangpawl nih hin inncungcih remh, tinbawsi thuh, mawtaw lam remh le ttuang khuh tibantuk pawl man fawi te in kan in tuah piak hna lai tiah rian an hal. Atuchun bak lawng lawng hi "Today only" manfawi tein rian kan ttuan piak hna lai tibantuk in mi kha namhawh in rian an hal lengmang hna.
Zeiruang ahdah annih hna cu na hrial hna awk ansi?
Khualleng mihlenhmang hna cu rian an thok hlan in tangka an hal lai i tangka na pek le caangka in an in loh taak diam lai.
Rian an ttuan asi hmanhah, ttuan dih lo in an chiah ta tawn asiloah an thiltuah mi attha lo.
An mobile phone number le an min pakhatnak lawng pek an hmang i hmundang ah khulrang in an i tthial tawn- cu caah ahnu ah chonhbiak tthan an har tuk cang.
Zeidah kan ngiatthlai a herh?
Na lunghrinh ahaumi minunghna cu:
- Ruahlo piin na innka arak king i rian an halmi hna:
- Innsii thuh dingin
- Na dum chung rianttuan dingin asiloah thingkung hau piak dingin
- Mawtaw lam phah remhpiak dingin
- Inncungcih remhpiak
- 'Atuchun bak lawng' tibantuk bia hmangin manfawi te in rian an in hal tik ah
- Ttuanman an in hal hmasa tik ah
- An mawtaw in an ttuanman tangka baan ah kan la lai an in ti tik ah
- Rian kan in ttuanpiak ko lai tiin an in hnek tik ah
- Atu naite ah midang nih rian an pekmi hna an let hna caah atu bak ah rian kan ttuan khawh colh lai tiin an chim tikah.
Nangmah le nangmah i khamhnak - Khualleng mihlenhmang hna he i tawlrel ning theihtlei tete
Khualleng mihlenhmangmi ah na lunghrinhmi nih innka a kingh ahcun, innka onh hna hlah.
Na chonh hna asi zongah, kal ko uh tiah ti ko hna. An kal duhlo asi ahcun, phung an buar asi.
Manfawi tein thiltuahpiak dingkha duhhlah. Caan rauh hnuah mahnak khan tangka a dihdeuh khomi asi.
Na inn rian lim na duh asi ahcun:
- innchung caah ka herhlai na timi hna kha dawr ah caw hna
- rian an ttuanmi pawl alanghtermi hna dirhcia chawlet rianttuantu pawl kha hmanghna
- rian an rak ttuanpiak balmi hna he an i pehtlaihnak tete kha hal hna, cuticun an rianttuan fel le fello kha na hlathlai khawh lai
- nangmah nai fian hlan paoh cu zeibantuk hnathlaknak hmanhah minthu hlah
- riankawlmi hna i anmin dihlak le cozahnih theihmi an sinak asilole an laisen kha hal hna, cuticun an rianttuannak nawlngeitu hna sinah hlathlainak na tuah khawh lai
- a rianttuannak zung phawn numbat kha hal, cutincun mahkha riankawlmi kha an rianttuan tu asi tak le si tak lo kha na chonh fian khawh lai
A bik in harsatnak ton hnu ahcun, atuchun bak lawng 'today only' tiin tangka hal in thilri remhpiak dingin rian an in hal ahcun nai ralrin aherh. Harsatnak atong mihna caah ruahnak cheuhnak cu, Advice in a disaster tiin mirangca in rak zoh uh.
Khualleng mihlenhmang hna ralchanh in cawlcanghnak
Hi mihlen in thiltuahhmangmi hna kong hi nan bu/miphun chung minung ralrin peknak ah a kan bawm ve ding in hi zapi thawngzamhnak cahmai le holh funnak Chin Hakha ah hin links pawl kha zangfahnak in rak tar ve uh. Nan umnak pawngkam ah khualleng mihlen hmangmi hna na theihmi an um ahcun:
- An min le an mawtaw numbat tibantuk, an konglam na theihkhawh chung in chinchiatnak rak tuah
- Nan umnak sang palik sin ah theihternak tuah