Mawbaal fawn hnatlakminthutnak - thilcawtu hna caah theihtlei tete

Mawbaal fawn na cawk hlanah

service provider (thilri ape tu): mi chonh khawhnak le email te pawl na kuat khawhnak ding ah na mawbaal fawn kha network he pehtlaihnak an tuahpiak tu kampani.
premium SMS (SMS kuatnak man): reality tv tibantuk le zuamnak pa khatkhat vote (me) peknak ah fawn cakuatnak hmannak. Premium SMS ah cakuat tial ve asilo ca in bialeh ve nai thim ahchun, aman fak taktak mi chonhauhnak man he ahnu ahcun nai tartahak kho. Tangka tam chinchin hman loin cun cu bantuk dir hmun in i hlihphuah a har kho mi asi.
international roaming (ramdang chonhbiaknak): ramdang in fawn arak lut mi asi lo ramdang phone chonhnak ah na mawbaal fawn hmannak. Mah hihi aman afak kho. An cattial mi le thil sining an langhter mi hna kha ttha tein rel ta hna, cu hnu lawngah na liam ding zat kha na theih khawh lai.
32 GB/16 GB: Hi numbat pawl hi plan (plen) in fawn lak tikah a lang tawn cun mawbaal fawn nih zeizat dah thil atlum khawh timi kha alanghter tu asi, data hmangin thil download (khumh) nak man zeizat na ngeih kha alanghter mi asilo.

voi zeizat fawn chonh le cakuatnak dah na tuah te lai
zeizah data hrawng dah na herh lai. Bianabia, email na chek asilo meivan (internet) kha atu le atu na hman ahcun, thlakhat ah data hmankhawhnak asang deuhmi plen pawl khan a herh kho mi asi - thlakhat ah 1 GB asilo 2 GB. Data hmannak kong he pehtlai in theihherhmi thawng kha thilzuar bomhnak website chung ah rak chek hna
Hnatlakminthuknak chungah zei can dah um na duh. Hnatlakminthutnak hi thla 12 in 36 tiang aum kho. Hnatlaknak kha minsen thut dingah na siarem lo asi ahcun, pre-paid (pekchungnak) kha hman hmasa i zuam. Fawn kard a dih hnu ahkhan atu na hmanmi kha na duh cun hmangthai ko asilo le adang pakhat kha i thim tthan ko.

dawr kip ah khan i chok law an thilman, cun adangdang network ape tu pawl hna i an sining le an plen pekning kha cuai thlai hna
An tangka lakding ning kong le anpek dingmi thil sining hna kha ca ttial in thawngpang la hna
na fawn arawh sual asilo atlau asilo an fir, asilole minthuthnatlaknak na buar asilo na sining aitlen tikah nadih dingmi tangka kha thei hna
warranty (aamahkhannak) catlap kha rel law zeidah a huap mi asi i zei dah a huap lo mi asi ti kha kawl hna
Ramdang ah na fawn na hman asi ahcun zei zat dah tangka na liam lai ti zong kha thei.

Minthuthnatlaknak caan adih hlan ah cu hnatlaknak na rak tuah mi kha na let tthan ahcun tangka tam deuh na pek a hau lai
acheu thilpe tu hna nih tangka tamdeuh an lak - voicemail (aw cakuatnak), call-forwarding (midang chonh terchinnak), premium SMS, internet in thil kawlnak, apps cawknak le ramdang chonhbiaknak
na mawbaal fawn na hmannak ding hmunhma kha an huapmi hmun asile silo theihnak ah thil petu hna i an website asilo an dawr ah hlathlainak tuah ding
data an in pekmi nak tam deuh in asilole fawn chonhnak tam deuh in na hman ahcun a hleice in tangka liam khawh asi kho.

Thil na cawknak tette caah na cawknak risip hna le minthutnak hna kha i chiah hna.
Fawn kha aamahkhannak in an remh lio ah thilzuartu hna asilo thil petu hna nih khan fawn dang asilo fawn hlanh chung nak kha an in pek a hau lo. Asinain acheu cu mah bantuk tuah ding in pawlisi an ngei.
Hnatlakminthutnak na tuah mi le thilsining cung hngat in fawn remh piak na si lio caan zong ah thlafa tin fawn man na pek mi cu pek tho tho na hau kho. Hi kong he peh tlai in Warranties section (aamahkhaannak) kha rak zoh.
Nangmah zong nih Australian Consumer Law (Australia thilcawtu phung) tangah covo na ngei ve hna. Na mawbaal fawn rian a ttuan ti lo asi ahcun, adang in thlen piak ding asilo aman khirh tthan ding in na hal khawh ve hna. Hi kong he tamdeuh in, Refunds, repairs and replacement page (Khirhtthannak, remhnak le thlenpiaknak catlap) kha rak zoh.

Minthutding mi ca kha rel zungzal - thilzuartu nih an chimhmi kha i rinh hlah. Mawbaal fawn hnatlakminthutnak hi phungnih atlaih dihmi asi. Khirhtthan ahar ngai tawn i a man zong afaak.
Minthutnak ah thil hman loin an ttial mi le an langhter duhlo mi thil man hna kha i ralring hna. Hi kong tamdeuh cu, Mobile phone providers - unfair contract term page (mawbaal fawn apetu hna- minthutnak ah thilhman loin aa tialnak catlap) timi kha zoh ding asi.
Na theihfian lomi ca cung ah zeitik hmanhah na minsen va thu hlah - a theifiang mi le ca kong an chim kho mi kha va hal hna.
Chap chih in pek dingmi he fonhin, thlakhat ah zeizat dah pek ding asi timi kha hlathlai ta. Hnatlakminthutnak na ngeihmi caan chung ah na pek khawh dingmi asi ding kha i theifiang ta.
Fawn kuang le fawn pehtlaihnak kha thilzuar tu pakhat sin ah na cawk asi ahcun, ai dang mi hnatlakminthutnak pa hnih chungah na lut kho - fawn kuang caah thilzuar tu he, cun fawn pehtlaihnak caah adang thil petu hna he. Hi nih achim duhmi cu fawn kongah abuai mi aum sual ahcun thilzuartu nih an bomh khawh, sihmanhsehlaw lain pehtlaihnak kong ah buainak aum ahcun bomhnak an pe kho lo.
Kum 18 tang asi mi hna caah aamahkhaan minthut piak na timh ahcun ttha tein i ruat ta hmasa - an bill an pek khawh lo ahcun nangmah nih pek piak hna a hau lai.
Contracts page (hnatlakminthutnak catlap) chung ahin nangmah nih na ngeihmi covo le zeitindah cu covo na ngeihmi na hman lai timi kha cawng hna.

Na minsen thutnak catlap kha a himnak hmun ah fim, cuticun hi hnu i hman na herh sual tikah na hman tthan khawhnak hnga.
Na sining ah thlennak aum sual ahcun thil an petu hna kha theihternak tuah hna - bianabia ah, na bill na pek khawh lo tikah, asilole na mawbaal fawn an in fir piak asilo a tlau sual tikah.

Data na hman zat kha atu le atu in chek - cu ti na tuah ahcun bill tampi peknak kha na hrial khawh lai.
Bill na pek ding zeizat asi kha thei law tonghmang loin tamtuk liam ding na si sual ahcun thil an petu hna kha hal hna.
Tangka na pek tthan ding tuaknak kong asilole tangka hmanthiamnak lei bomhnak na herh asi ahcun, National Debt Helpline (tang bomhnak) kha pehtlaihnak tuah.
Na bill kha caan hman tein pe hna. Na pek lo asi ahcun, hlei ce in pektlai man an in liam ter lai.

Thil anpe tu hna , asilo mawbaal fawn na cawknak dawr kha chawn hna. Theihtlei te te caah cun, Resolve a dispute page (lung tlinlo bia elnak daihternak) kha rak zoh.
Thil an petu hna he na bill kong ah asilole na fawn lain tthatlonak kong lungtlin lonak na ngeihmi kongah nan lung aa hmuh thiam lo ahcun, Telecommunications Industry Ombudsman kha pehtlainak rak tuah hna.